Siglir tar il cuntegn
Inhalt

Svizra Vendemia 2018: la racolta dal tschientaner

Cun l'atun entschaiva era il temp da racolta. Las temperaturas da la stad 2018 han gì in effect positiv per la viticultura. Suenter che l'onn passà e stà in onn turbulent discurra l'expert quest onn da la racolta dal tschientaner.

Legende: Video Hanspeter Cadonau è viticultur al Lai Rivaun abspielen. Laufzeit 03:31 Minuten.
Or da Telesguard dals 24.09.2018.

Hanspeter Cadonau è dapi quatter onns viticultur. L’um ch’è oriund da Vuorz producescha vins cun nums rumantschs a Weesen, Amden ed a Quinten. La racolta da sia vita entschaiva quest'emna. El quinta actualmain cun bain set giadas dapli racolta che l’onn passà. Quest onn haja el strusch sprizzà pesticids cunquai che la setgira haja fatg nunpussaivel als bulieus da periclitar las ivas. La situaziun da sias vignas è pli che legraivla.

Sch’i na vegn nagut tranteren, dat quai la racolta dal tschientaner.
Autur: Hanspeter Cadonauviticultur

Era l’expert discurra da la racolta dal tschientaner

Hans Jüstrich ha pli che 30 onns experientscha, dentant uschè ina situaziun curt avant la racolta sco quest onn ha el anc mai vis. Il cumissari da viticultura al Plantahof è pli che cuntent cun la situaziun actuala. Ils viticulturs hajan gì pli pauca lavur entras las temperaturas e la setgira da la stad. Strusch ivas che sajan stadas marschas. Il resun dals purs saja fitg positiv. Las vignas en il Grischun n'hajan betg gì da cumbatter cun malsognas. Perquai saja la qualitad da las ivas exemplarica. La racolta entschaiva quest onn uschè baud sco anc mai. Perfin pli baud che quella da l'onn da record dal 2003.

RR actualitad 06:00