Vin da l’annada 2018 pudess esser extraordinari bun. Quai communitgescha l'Uffizi federal d'agricultura. Plinavant saja la racolta da l’onn passà stada uschè gronda sco dapi il 2011 betg pli: Tut en tut 111 milliuns liters vin svizzer. Quai è in plus da 40% cumpareglià cun l’onn avant ed era 12,6% dapli che la media dals ultims diesch onns. En l’entir Grischun hajan ins producì 2,8 milliuns liters vin.
Cundiziuns extraordinarias
Tenor l’Uffizi federal d’agricultura hajan viticulturs pudì racoltar ivas ch’han en bler zutger. La primavaira n’haja dà nagina schelira tardiva, durant la stad saja stà sitg e chaud e las ivas sajan stadas madiras fitg baud.
RR novitads 12:00
