Vendì dapli ieli da stgaudar l'onn passà

Suenter l'enviern miaivel 2014/15 èsi vegnì cumprà dapli ieli da stgaudar en Svizra. Perquai ch'il pretsch d'ieli è stà bass e blers han emplenì ils tancs, è la vendita s'augmentada per 16%.

L’ieli da stgaudar ha contribuì ina gronda part a la vendita da products d’ieli mineral. Bild in Lightbox öffnen.

Legenda da maletgs: L’ieli da stgaudar ha contribuì ina gronda part a la vendita da products d’ieli mineral. Keystone

L’onn 2015 èsi vegnì cumprà totalmain 10 milliuns tonnas products sin basa d’ieli mineral, scriva l'associaziun d'ieli. Quai è in plus da 3%.

Vendita da diesel s'augmentada

Perencunter è sa sbassada la vendita da benzin per 6,7%. Cun abolir il curs minimal da l'euro è il tancar en Svizra vegnì pli char per clients da l'exteriur. Vitiers èn blers Svizzers charrads sur cunfin a tancar.

Sco gia l’onn 2014 èsi er il 2015 vegnì vendì dapli diesel che benzin. L’associaziun vesa duas raschuns per quai: d’ina vart la conjunctura stabila aifer la Svizra, da l’autra vart l’augment dal dumber d’autos da diesel.

Plinavant hai era dà dapli vendita da carburant per sgular, numnadamain 1,6 milliuns tonnas. Tant l’eroport a Turitg sco er quel a Genevra han il 2015 gì dapli sgols e dapli passagiers.

RR novitads 12:00