Ils detaglists svizzers han puspè vendì in zic dapli il settember. Cumpareglià cun il medem temp da l'onn passà, èn las svieutas creschidas per 0,2 %, communitgescha l'uffizi federal per statistica.
Cumpareglià cun l'avust munta l'augment a 0,1 %. Che las svieutas n'èn betg creschidas pli fitg, saja d'attribuir a la vendita da carburants ch'è ida enavos. Senza quella muntass l'augment da las svieutas ad 1,1 %. Tar las victualias, bavrondas ed il tubac resulta schizunt in plus da 2,0 %.
