Siglir tar il cuntegn

Header

In prà cun flurs-sulegl e davos las muntognas.
Legenda: La vendita da terren agricul duai restar suttamess a la taglia federala. Keystone
cuntegn

Svizra Vendita da terren agricul duai esser suttamessa a taglia federala

La vendita da terren agricul e forestal na duai tuttina betg vegnir liberada da la taglia federala. Uschia refusa la cumissiun d’economia dal Cussegl dals chantuns da midar la lescha.

Auter ch'il Cussegl naziunal refusa la cumissiun d’economia dal Cussegl dals chantuns da midar la lescha vertenta. Ella cusseglia cun diesch cunter duas vuschs al Cussegl dals chantuns da betg entrar en questa fatschenta. L’argument da la cumissiun è che quai dettia resalvas en vista a la constituziun federala.

Per la cumissiun fiss ina tala liberaziun da la taglia ina inegualitad giuridica. Ils purs e possessurs da guaud vegnissan uschia privilegiads, argumentescha la cumissiun d’economia dal Cussegl dals chantuns. Ultra da quai vegniss era offendì il princip da stuair pajar taglia tenor la productivitad economica.

RR novitads 18:00

Artitgels legids il pli savens

Scrollar a sanestra Scrollar a dretga