Siglir tar il cuntegn

Header

Purtret d'ina chasa cun si il logo da Chemchina.
Legenda: ChemChina e Syngenta stattan curt avant ina fusiun. Keystone
cuntegn

Svizra Vendita dal concern Syngenta ha retard

Suenter ch'il concern chinais ChemChina ha refusà concessiuns envers ils guardians da concurrenza da l'UE sa retardescha la surpigliada dal concern d'agrochemia da Basilea Syngenta. Il process da permissiun pudess uschia durar fin en l'emprim quartal dal 2017.

Enfin uss ha ChemChina vulì surprender Syngenta enfin la fin da l'onn. Syngenta ha communitgà che las autoritads da surveglianza en l'UE ed en auters lieus hajan dumandà l'ultim temp bleras infurmaziuns supplementaras. ChemChina e Syngenta insistan dentant sin lur transacziun ed èn optimistics ch'il concern chinais po surpigliar il concern svizzer. Els hajan gia las lubientschas dad 11 autoritads da cartel.

Syngenta ha stuì supportar in sminuziun dal gudogn da 3% en il terz quartal, sin 2'524 milliardas dollars. En tut ha Syngenta gì cun quai ina svieuta da 9'618 milliardas dollars. Quai èn 6% pli pauc che l'onn passà.

RR novitads 09:00

Artitgels legids il pli savens

Scrollar a sanestra Scrollar a dretga