Plattafurmas online da l’exteriur che furneschan en Svizra, duain da nov pajar taglia sin la plivalur. Quai ha decis il Cussegl federal. Ellas duajan cun quai vegnir tractadas tuttina sco plattafurmas svizras. In’excepziun vala per organisaturs da viadis. Els na stoppian betg pajar taglia sin la plivalur, sch’els organiseschian viadis en Svizra.
Il Cussegl federal quinta cun entradas en la dimensiun da plirs diesch milliuns. I dettia era dapli lavur administrativa e la Confederaziun quinta da stgaffir otg novas plazzas.
Plinavant duajan interpresas pitschnas e mesaunas be pli furnir ina giada per onn in rendaquint da la taglia sin la plivalur. Sco proxim s’occupescha il parlament cun las midadas proponidas.