La gievgia saira e da Nadalnotg è in stemprà d’enviern passà sur la Svizra ora. Localmain hai dà suffels da fin a 100 kilometers per ura. La naiv – sin quella che blers han spetgà en la Bassa – n’è dentant betg vegnida, quai malgrà la sfradentada.
En las muntognas èn ils vents stads pli ferms che en la Bassa. Sin il Säntis sin 2'500 meters sur mar han ins mesirà vents da fin a 138 kilometers per ura e sin il Pilatus sin 2'100 meters sur mar vents da fin a 119 kilometers per ura.
