Siglir tar il cuntegn

Header

audio
Interess e pretensiuns politicas da la giuventetgna
Or da Actualitad dals 12.04.2021.
laschar ir. Durada: 03:17 minutas.
cuntegn

«Verändere die Schweiz» Ina vusch per la giuventetgna

Il mument paran la pandemia ed il clima da fatschentar il pli fitg la giuventetgna. Tar quels temas ha la generaziun giuvna almain inoltrà las pli bleras ideas e propostas a la campagna «Verändere die Schweiz».

La finamira da la campagna «Verändere die Schweiz» è che giuvenils e giuvens creschids enfin 25 onns vegnan a pled. Sin ina plattafurma online han els pudì deponer lur ideas, propostas e pretensiuns per la discussiun politica. Quest onn datti la campagna gia per la tschintgavla giada. Ils temas da las ideas inoltradas sajan mintgamai fitg divers, constatescha Niculin Detreköy il responsabel da la campagna. Dasper ils quitads che la giuventetgna fa per l'ambient, saja quest onn er corona in tema. Cunzunt la sanadad psichica giaschia a cor.

La finamira da la campagna saja che ideas da la generaziun giuvna fetschian il pass en Chasa federala, là nua che parlamentaris e parlamentarias decidan la finala davart il futur. Quella finamira pudess er gartegiar. Da las ultimas quatter campagnas ch'i ha dà han parlamentaris e parlamentarias elegì 33 ideas e discutà quellas cun ils auturs e las auturas giuvnas.

RTR actualitad 07:00

Artitgels legids il pli savens

Scrollar a sanestra Scrollar a dretga