Siglir tar il cuntegn

Header

cuntegn

Verbier Val de Bagnes betg sut quarantina

La Val de Bagnes en il Vallais cun il lieu da sport d'enviern Verbier na vegn betg messa sut quarantina. Malgrà che medis avevan pretendì quai pervi da numerus cas da coronavirus en la regiun, ha la regenza vallesana decidì auter. Quai suenter esser sa cussegliada cun l'Uffizi federal da sanadad BAG.

En il medem mument ha ella dentant decidì da rinforzar las controllas da polizia per segirar che las interpresas che dastgan anc avair avert sa tegnian vid las prescripziuns d'igiena.

Bainprest 60 cas

Avant han medis da Verbier pretendì da metter sut quarantina l'entira Val de Bagnes pervi dal coronavirus. Els eran da l'avis che questa regiun saja ina regiun cun fitg blers cas d'infectads.

Nus stuain per mintga pretsch isolar la regiun per proteger il Vallais e la Svizra.
Autur: Sabine Popescumedia

A Verbier ed en la Val de Bagnes dettia memia bler «ir e vegnir» , quai oravant tut da lavurants. Ins quinta bainbaud cun dapli che 60 cas infectads positiv dal coronavirus.

RTR novitads 09:00

Artitgels legids il pli savens

Scrollar a sanestra Scrollar a dretga