Siglir tar il cuntegn

Header

Ils delegads da la Partida dals verds èn s’inscuntrads oz a Berna.
Legenda: Ils delegads da la Partida dals verds èn s’inscuntrads oz a Berna. Keystone
cuntegn

Svizra Verds crain vinavant vi da lur schanza

La Partida dal verds crai malgrà la sconfitta tar las elecziuns naziunalas l’october passà, ch’ella vegnia a giugar ina rolla impurtanta en l’avegnir en la politica svizra. Quai ha mussà ina discussiun interna dals Verds a la radunanza da delegads a Berna.

En la discussiun ha bain gì num, ch’ins stoppia l’emprim ina giada spetgar sin ils resultads detagliads da las enquistas fatgas suenter las elecziuns. Dentant èn plirs delegads dal maini che la perdita da quatter sez en il Cussegl naziunal, haja da far cun circumstanzas disfavuraivlas.

Uschia ha è per exempel l’anteriur Cusseglier naziunal da Zug, Jo Lang da l’avis ch’electurs giuvens e critics en las citads sajan ids pli pauc a votar che la giuventetgna ora sin tiara ch’elegia plitost la PPS.

Vinavant cun plain curaschi

La co-presidenta da la Partida dal verds, Regula Rytz ha resumà la discussiun uschia: «Nus essan trumpads, dentant betg senza curaschi. Nus avain ina schanza e nus vulain era nizzegiar quella.» Sch’els restian vinavant dirs ed insistian, lura possian els era puspè festiva success. En l’avegnir stoppian els puspè lavurar dapli cun moviments e societads civilas.

Nagin 2. Cusseglier federal per la PPS

Vinavant ha Rytz ditg ch’ils Verds na vegnian ad eleger nagin candidat da la PPS en il Cussegl federal ils 9 da december.

sda/gc

Artitgels legì il pli savens

Nach links scrollen Nach rechts scrollen