Tar las davosas elecziuns il 2015 aveva la partida anc pers 4 sezs. Dapi lura haja la partida dentant pudì gudagnar tar elecziuns chantunalas 18 sezs, argumentescha la presidenta dals Verds Regula Rytz ses optimissem. Finamira fiss uschia pia d'avair suenter las elecziuns 2019 en tut 15 sezs en il Cussegl naziunal ed ina quota d'electurs da 9%.
Cun questas ambiziuns guardan Verds era in zic vers in sez en il Cussegl federal. Sche la Partida cristiandemocrata perdia vinavant uschia sco fin uss lura vegnia quai grev per la PCD, uschia Rytz vinavant. En il cass optimal per la partida verda fiss lura ella tranter las quatter pli fermas dal pajas.
Las elecziuns per il cussegl naziunal èn lura ils 20 d'october 2019.
RR novitads 12:00