Siglir tar il cuntegn

Header

cuntegn

Svizra Viadis da potenzials terrorists duain vegnir survegliads

L'Uffizi federal per polizia Fedpol duai pudair registrar a moda zuppada ils viadis da potenzials terrorists en il sistem d'infurmaziun da Schengen. La cumissiun per segirtad politica dal Cussegl dals chantuns sustegn ina moziun ord il Cussegl naziunal unanimamain.

La finamira saja da pudair persequitar ils moviments d'ina persuna senza che quella sappia. Tenor la cumissiun saja quai in instrument effectiv per scuvrir crims.

Il Cussegl federal haja gia inizià las lavurs. El haja incumbensà la stad il departament da giustia e polizia da sviluppar in text da consultaziun cun questa ed autras mesiras per cumbatter il terrorissem. La registraziun zuppada duai mo esser pussaivla sch'i saja da temer ina smanatscha concreta per la segirtad interna ed externa.

La cumissiun recumonda da refusar ina moziun dal Cussegl naziunal che pretenda scumonds da viagiar per potenzials turists dal dschihad. La cumissiun fa qua endament ch'il Cussegl federal planisescha da scumandar als tals da survegnir documents per viagiar ed uschia evitar ch'els pon viagiar.

Cun 8:4 vuschs è la cumissiun sa decidida da refusar in'iniziativa parlamentara per stgaffir ina disposiziun penala per cumbatter il terrorissem. Leschas supplementaras sper las leschas existentas ed ils projects che sajan gia en moviment pudessan chaschunar problems da coordinaziun. Il terrorissem sappian ins prevegnir meglier cun la lescha dal servetsch d'infurmaziun.

RR novitads 14:00

Artitgels legids il pli savens