Svizra - Viafier federala renovescha la rait da datas
La Viafier federala renovescha sia rait da datas nua che tut ils sistems d’informatica e da communicaziun èn colliadas. L’incumbensa da radund 140 milliuns francs ha la SBB surdà a la Alcatel-Lucent Svizra SA. Ella vegnia a furnir las cumponentas per la rait e surpigliar il mantegniment da quella.
La rait da datas vegnia ella dentant vinavant a gestiunar sezza, uschia la Viafier federala. Attatgà a questa rait en tranter auter la gestiuin dals indrizs tecnics dals trens, tut ils sistems d’infurmaziun per ils clients, ils sistems da vendita u ils plaz da lavur dals collavuraturs.
Las lavurs duajan cumenzar il 2016 e durar 3 onns. La rait da datas actuala saja uss memia veglia.
