- Il Cussegl federal vul stgaffir ina basa legala per ina viafier sutterrana
- La finanziaziun dad in tal project stuess dentant desister da daners publics
- Gia il 2016 aveva la regenza decidì da sustegnair «Cargo sous terrain» cun la basa legala
Il Cussegl federal è da principi pront da stgaffir la basa legala per ina viafier sutterrana da transport da rauba. In project logistic da passa 33 milliardas francs. La "Cargo sous terrain" stoppia però vegnir stgaffida senza daners dal maun public.
Il project era vegnì inizià d'interpresas da transport. Previs è in tunnel da trais vials tranter ils pli impurtants centers logistics en la Bassa. La viafier fiss en funcziun di e notg e transportass rauba cun radund 30 kilometers l'ura.
Il project gigantic che sto accumplir ina rotscha da premissas è ussa en la consultaziun.
RR novitads 10:00
