Siglir tar il cuntegn

Header

cuntegn

Viafiers federalas 500 ulteriurs plazs per velos en ils trens

Las Viafiers federalas vulan levgiar il transport da velos. Tranter auter duain las capacitads da transport vegnir engrondidas.

En ils proxims quatter onns vulan las Viafiers federalas stgaffir spazi supplementar per 500 velos en ils trens. Ed er il sistem da reservaziun duai vegnir meglierà. Quai communitgeschan las Viafiers federalas svizras.

Midadas en il sistem da bigliets e reservaziuns

Il sistem da reservaziun per velos duai davent da la midada da l'urari da tren il december mussar automaticamain il bigliet il pli bunmartgà. Ed i vegnan mo pli mussadas colliaziuns,nua ch’igl è pussaivel da transportar il velo.

A lunga vista duain passagiers pudair reservar plazzas da velo en l’emprima e segunda classa separadamain. Passagieras e passagiers giavischan er da pudair vesair plazzas libras. Tenor l’interpresa vegn ina part da quai ad esser pussaivel la primavaira 2024. I dat gia critica da Pro Velo Svizra: La SBB porschia anc adina memia pauc plaz per velos.

Cumpareglià cun l’onn passà ha la SBB vendì 14% dapli abunaments da l’onn da velo. Venditas da bigliets dal di èn s’augmentadas per 2% e reservaziuns per 3%.

audio
Per tadlar: las novitads da las 12:00
ord RTR Audio dals 16.11.2022.
laschar ir. Durada: 5 minutas 48 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga