Las tavlas da num èn adina puspè punct da dispita. Per l’ina fetschian ellas pli persunal il barat tranter persunal e clients, per l’autra existia dentant er il privel ch’il persunal vegnia mulestà privat pervia da dispitas tar la lavur. Ord quest motiv duain ils collavuraturs en l'avegnir decider sez sch'els vulan purtar il num u be il numer da persunal e la funcziun exacta.
Er l'incumbensà per la protecziun da datas sustegna questa varianta. Uschia possia il patrun tuttina identifitgar il collavuratur sche necessari. Il medem mument saja dentant la sfera privata protegida.
Nagin motiv d'agir
La SBB na vesa dentant nagin motiv d’agir. Cun pasar giu ils interess sajan els da l'avis che las tavlas cun num sajan en proporziun. Plinavant è la SBB persvasa che la tgira persunala dals passagiers procuria per ina percepziun positiva. Tar quai tutgia er ina tavla da num cun l'iniziala, la schlatta e la funcziun, scriva la SBB en ina communicaziun.
RTR novitads 17:00