Siglir tar il cuntegn
cuntegn

Svizra Viafiers federalas sa retiran dal traffic regiunal al Simplon

Ellas n'han betg pli inoltrà in'offerta per il manaschi da la lingia tranter Iselle e Domodossola a partir dal december.

In char da las Viafiers federalas a la staziun da Domodossola.
Legenda: In char da las Viafiers federalas a la staziun da Domodossola - a partir dal december be pli en trens a distanza lunga. Keystone

La regiun taliana dal Piemont surdat la concessiun da nov. Ils daners che la regiun veglia pajar persuenter na tanschian betg, ha la SBB argumentà sia decisiun. Las autoritads pretendian ina purschida pli vasta. Ils trens a lunga distanza na sajan betg pertutgads.

Surpigliar ils trens regiunals pudess eventualmain la viafier Bern-Lötschberg-Simplon. Fin il december porschan las Viafiers federalas anc otg trens regiunals a di tranter Domodossola, Iselle e Brig.

RR novitads 12:00