Siglir tar il cuntegn

Header

2 policits che entran en in tren.
Legenda: La mesadad da la flotta è controllada: enfin ussa han las Viafiers federalas scuvert 20 portas da trens defectas. Keystone
cuntegn

Viafiers federalas svizras 20 portas da trens cun protecziun manglusa

Suenter l’accident mortal da l’accumpagnader da trens han las Viafiers federalas svizras scuvert almain 20 portas da trens cun ina protecziun manglusa cunter vegnir serrà en. Fin ussa sajan 250 vaguns e cun quai 1’000 portas vegnidas controlladas. Quai ha ditg il schef da l’SBB, Andreas Meyer, en ina intervista cun la gasetta «SonntagsBlick».

Totalmain vegnan 493 vaguns dal tip pertutgà duvrads en Svizra. La segirezza saja garantida. I vegnian mess puspè en circulaziun be vaguns che sajan segirs, uschia Meyer. Ultra da quai guardian ils accumpagnaders da tren tar quest tip da tren spezialmain sin la segirezza.

Cas vegn examinà

Pertge ch'il collavuratur è stà serrà en la porta ed è vegnì stratg dal tren, vegn vinavant examinà. L'accident mortal è capità avant duas emnas a la staziun da Baden. Sch'il collavuratur ha respectà las prescripziuns n'è anc betg cler. Sco Meyer di, na veglia el betg specular ins stoppia spetgar sin las analisas.

RR novitads 11:00