Viandar daventa adina pli popular er tar giuvenils. Quai è la conclusiun da retschertgas da l'Uffizi federal per statistica e l'uniun tetgala «Sendas da viandar svizras», rapporta la «Schweiz am Sonntag».
44% da la populaziun va regularmain a viandar. Avant 16 onns era quai mo 22%. Cunzunt tar famiglias e pèrs tranter 30 e 45 onns è il viandar popular. En media fan els enturn 20 spassegiadas pli lungas u pli curtas ad onn.
L'aspect negativ: Mintg'onn datti en Svizra enturn 20'000 accidents da viandar.
RR novitads 14:00