Siglir tar il cuntegn

Header

cuntegn

Vias e traffic Entant cula il traffic er puspè al Gottard

  • Entant è la colonna davant il Gottard sa schliada ed il traffic cula puspè senza disturbis.
  • Mesemna saira eran ils autos stads airi sin radund 12 kilometers davant il tunnel.

Viasuisse sco er l'Uffizi federal per vias (Astra) han quintà per questa fin d'emna cun colonnas davant il portal dal nord dal Gottard. Fitg bler traffic hai sur tut er dà oz. Durant mezdi era la colonna davant il Gottard creschida fin sin 10 kilometers ed il temp da spetga aveva muntà a radund duas uras. En Grischun èsi stà questa giada quiet. Sin l'A13 n'hai dà naginas colonnas.

purtret d'ina colonna al Gottard.
Legenda: Colonna davant il Gottard. Keystone

Blers viandants da la Svizra tudestga

Colonnas sur kilometers, sco avant la pandemia n'han ins dentant betg spetgà. Els èn partids dal fatg che sur tut persunas da la Svizra tudestga vegnian ad ir direcziun sid, per pudair giudair intgins dis en il Tessin sulegliv, scriva Viasuisse.

Sco rutas alternativas propona Viasuisse – sur tut per persunas da la regiun da Turitg e la Svizra Orientala – la ruta dal San Bernardino via l'autostrada A13. Ultra da quai èn er ils pass dal Lucmagn ed il Spleia gia averts. En Grischun è la situaziun mumentan ruassaivla. Il traffic fluescha senza disturbis.

Duas uras temp da spetga la mesemna

Pervi d'in vehichel da pannas è il tunnel stà serrà la mesemna per radund in'ura e mesa, ha communitgà la Polizia chantunala da l'Uri. Perquai avevi dà ina colonna pli lunga. Uschia han ins stuì prender en cumpra in temp da spetga da radund duas uras la mesemna suentermezdi.

RTR novitads 12:00

Artitgels legids il pli savens