Il servetsch d'infurmaziun Viasuisse avertescha ch'i haja gia dà oz divers accidents pervi da vias scheladas. Il privel valia surtut la damaun marvegl.
Tenor il servetsch d'infurmaziun Viasuisse impedeschan gia intgins accidents il traffic e chaschunan colonnas. En la regiun da Turitg hai dà plirs accidents sin l'autostrada A1 tranter Seebach e Wallisellen ed en la regiun da Son Gagl datti impediments tranter Rheineck e Meggenhaus. Viasuisse cusseglia da charrar oz spezialmain precaut.
