Vinavant aut ristg da tuberculosa

Tuberculosa pudess era puspè pertutgar la Svizra. La Confederaziun vul impedir ch'ella vegnia importada entras animals selvadis. Ils chatschaders èn perquai vinavant obligads d’intercurir animals sajettads e d'annunziar midadas al veterinari uffizial.

Sco prevenziun cunter tuberculosa è p. ex. d'evitar grondas spessezzas d'animals selvadis Bild in Lightbox öffnen.

Legenda da maletgs: Sco prevenziun cunter tuberculosa è p. ex. d'evitar grondas spessezzas d'animals selvadis. Keystone

Il program da prevenziun - cumenzà la stad passada - vegn cuntinuà durant questa stagiun da chatscha. Quai communitgescha l'Uffizi federal per segirtad da mangiativas.

Era umans èn periclitads

En tschertas regiuns da l’exteriur che cunfineschan cun la Svizra datti populaziuns da tschiervs e portgs selvadis infectads cun tuberculosa. Quests animals augmentan il ristg d’infecziun per animals da niz e selvaschinas en Svizra. Tuberculosa na po betg mo vegnir transferida d'animals selvadis sin animals da niz, mabain era sin ils umans.

RR novitads 12:00