Siglir tar il cuntegn

Header

cuntegn

Svizra Vinavant dapli dumondas d'asil

Er il mais passà han puspè dapli persunas tschentà dumondas d'asil en Svizra.

Il dumber da dumondas d'asil en Svizra crescha vinavant. Il mais da november han radund 5'700 persunas dumandà asil. Quai èn bunamain 1'000 dapli ch'anc il mais avant.

Malgrà l'augment da las dumondas na vulan la Confederaziun ed ils chantuns anc betg metter en funcziun il concept d'urgenza d'asil. Sco il Departament federal da giustia e polizia communitgescha, possian ins dar dumogn als fugitivs cun las structuras existentas.

Dapi l'entschatta da quest onn ha la Confederaziun augmentà las capacitads en ils alloschis d'asil da 2'300 sin 5'000 plazs.

RR novitads 17:00

Artitgels legids il pli savens