Cun quella decisiun sto Pierre Maudet vinavant quintar cun inquisiziuns davart da la procura publica. In'emprima dumonda d'abolir sia immunitad era gia vegnida acceptada il settember passà pervi d'in viadi dispitaivel ad Abu Dhabi.
La dumonda da prolungar l'aboliziun sa referischa questa giada sin avantatgs finanzials che Maudet duai avair survegnì da la Gruppa Manotel.
Pers la fidanza dal directori da partida
La prolungaziun da l’aboliziun vegn in di suenter che la regenza da Genevra ha reorganisà ses departaments. L’anteriur president da la regenza Maudet era vegnì tramess cunter sia veglia en la nova partiziun per la promoziun da cultura.
Ed era il sustegn per Maudet en sia atgna partida vegn adina pli e pli pitschens. Uschia aveva la presidenta da la PLD Svizra, Petra Gössi, pir da curt pretendì ch’el sa retira da tut ses uffizis. Sulettamain la basa da la PLD da Genevra mussà anc sustegn per Maudet.
RR Novitads 06:00
