Siglir tar il cuntegn

Header

cuntegn

Svizra Vinavant pussaivel da sursiglir reclama da televisiun

Ils emetturs da televisiun na duain betg dastgar impedir che aspectaturs pon sursiglir la reclama cun guardar televisiun da tuttas uras. Il Cussegl naziunal ha refusà cleramain la proposta d'ina cumissiun da fixar il «Replay-TV» en la lescha davart ils dretgs d'autur.

La lescha davart il dretg d'autur era betg pli adequata al temp. La midada digitala ed il svilup tecnologic han sfurzà il parlament dad ir sur ils cudeschs e cumplettar la lescha. In punct fitg central era la pirateria.

La proposta d'ina cumissiun ha gì nagina schanza: ella è vegnida refusada cun 182 tar 6 vuschs e 9 abstenziuns. Ils adversaris teman ch'ils emetturs da televisiun na permettan betg da sursiglir la reclama cun guardar televisiun da tuttas uras u pretendan lura taxas.

Situaziun da partenza intscherta

La ministra da giustia Simonetta Sommaruga era medemamain cunter la regulaziun. La situaziun da partenza na saja betg clera. Quants daners da reclama ch'ils emetturs da televisiun perdian per propi na saja betg d'eruir. Ozendi survegnan ils emetturs 35 milliuns francs da firmas sco Swisscom e UPC.

RR novitads 11:30

Artitgels legids il pli savens