Siglir tar il cuntegn

Header

Navigaziun

vincenz-stauffacher cun matg fluras
Legenda: Delegads e delegadas han nominà unanimamain l'advocata e deputada en il parlament chantunal Susanne Vincenz-Stauffacher. SRF
cuntegn

Svizra Vincenz-Stauffacher duai succeder a Keller-Sutter

La partida liberal-democratica da Son Gagl vul trametter – Susanne Vincenz-Stauffacher en la cursa per la successiun da Karin Keller-Sutter en il Cussegl dals chantuns.

A lur radunanza han ils delegads nominà unanimamain l’advocata e deputada Susanne Vincenz-Stauffacher (51) en il parlament chantunal dal Son Gagl. Ella è dapi il 1997 en la direcziun da la PLD chantunala – dapi il 2000 sco vicepresidenta. Dapi il 2016 è Vincenz-Stauffacher presidenta da la fundaziun per agid per unfrendas SG/AR/AI e mediatura publica dal post «vegliadetga ed impediments» dal chantun Son Gagl.

La fin d’emna passada ha la PCD Son Gagl nominà il cusseglier guvernativ Benedikt Würth sco candidat per il Cussegl dals chantuns. La PPS ed ils Verds n’han anc betg nominà lur candidats.

L’elecziun substitutiva per la successiun a Karin Keller-Sutter è ils 10 da mars.

RR novitads 07:00