En il sport na dastgian betg be las medaglias star en il center. Tar la promoziun dal sport stoppian aspects etics avair en l'avegnir dapli paisa. Quai ha la ministra da sport Viola Amherd ditg en gasettas da Tamedia areguard la situaziun insupportabla tar las gimnastas en il center da prestaziun a Magglingen.
Qua stuain reponderar da nov la chaussa.
Che dunnas giuvnas sajan vegnidas attatgadas en il center da prestaziun a Magglingen en lur dignitad haja fatschentà ella fitg. I haja surprais ella, che las dunnas hajan gì il curaschi da dir insatge pir cura ch'ellas na sajan betg pli stadas activas gimnastas. En la federaziun da gimnastica regna en divers secturs ina cultura da tema e quai na saja betg da tolerar.