Chantun e confederaziun sajan sin buna via cun introducir mesiras per cumbatter la violenza a chasa. Per exempel vulan ils chantuns introducir in numer da telefon d'agid central per tut la svizra davent dal 2025. Er dess la surveglianza da delinquents vegnir meglierada per proteger persunas pertutgadas meglier.
Plinavant han ils acturs decis oz da schlargiar la roadmap er sin violenza sexuala. Tranter auter cun quel pass vul ins signalisar che violenza sexuala e violenza a chasa na vegnan betg toleradas en svizra, ha declerà la ministra da giustia Elisabeth Baume-Schneider envers las medias.
La roadmap «violenza a chasa» che chantuns e confederaziun han definì ensemen dess rinforzar la collavuraziun e coordinaziun en chaussa. Er part da la coordinaziun e planisaziun sun gruppaziuns da la societad civila.