Il concern svizzer Lonza vul investir radund 650 milliuns francs en sia fabrica a Visp. Ulteriurs 200 milliuns francs duain servir per augmentar la producziun en ina fabrica a Portsmouth en ils Stadis Unids, sco Lonza ha communitgà. Las investiziuns giajan en dus novs e moderns lieus da producziun per la unitad da fatschenta Mammalian. Cun las investiziuns vul il concern schlargiar sias capacitads e procurar ch'ils products vegnan pli spert sin il martgà.
Per la fabrica en il Vallais hajan els gia cumenzà ad engaschar passa 300 novas persunas. En trais onns duai l'expansiun da Lonza a Visp esser realisada. Era cun la recrutaziun da var 250 novs collavuraturs a Portsmouth hajan els cumenzà.
