Siglir tar il cuntegn

Header

In lavuraint en in tunnel da l'autostrada
Legenda: Lavurs vi dal traject da la A9 en il Vallais - sco tut las autras vias naziunalas è era l'A9 dapi il 2008 en possess da la Confederaziun. La construcziun da l'A9 era vegnida en las lingias grassas pervi dad irregularitads (maletg simbolic). Keystone
cuntegn

Svizra Visp - l’ASTRA en il focus da la Polizia federala

A Visp ha la polizia federala intercurì en la chasa dal post da l'Uffizi federal da vias. 3 persunas èn vegnidas arrestadas. Sin dumonda da la sda ha l’ASTRA confermà, ch’i dat in’inquisiziun cunter 2 da ses collavuraturs.

L’acziun da la Polizia federala è succedida pervi da suspect da corrupziun ed administraziun malfidaivla d'uffizi. Da l’ASTRA èn 2 collavuraturs vegnids mess en arrest d’inquisiziun.

La Polizia federala ha dentant arrestà era ina terza persuna. Era per ella vala l’ordinaziun ad interim da 3 mais en arrest d’inquisiziun. La Procura publica federala n’ha dentant fatg naginas indicaziuns, in tgenin connex che la terza persuna stat cun l’ASTRA u nua che la polizia haja fatg ulteriuras perquisiziuns da chasas.

Il post da l’ASTRA a Visp tutga tar la filiala da Thun.

RR novitads 06:00

Artitgels legids il pli savens

Ir a sanester Ir a dretg