Siglir tar il cuntegn

Header

cuntegn

Vista etica e giuristica Stuain nus tuts ans laschar vaccinar?

A quella dumonda respunda Christof Arn da la vista etica e Petra Camathias da la vista giuridica.

Ins haja sco carstgaun in’obligaziun morala da mirar per il concarstgaun, di il docent per etica Christof Arn. Uschia hajan ins era in’obligaziun da sa laschar vaccinar. Medemamain hajan tuts carstgauns dentant era in ferm dretg da decider tge che schabegia cun l’agen corp. Quai vul dir, che mintgin dastga decider sez sch’el less laschar dar ina squitta u betg. Quai dretg na duess ins era betg metter en dumonda en la situaziun da corona.

Tgi che less sa proteger dal virus, po far quai. Las persunas ch’èn vaccinadas èn per gronda part protegidas. Uschia n'èn ellas betg pli dependentas da la decisiun da vaccinar dals auters.
Autur: Christof Arn eticher
audio
Christof Arn: Vaccinar Gea u Na – la vista etica
03:25 min, Actualitad dals 08.09.2021.
laschar ir. Durada: 03:25 minutas.

Squitsch al plaz da lavur

Uschè ditg ch’i na dat nagin obligatori da vaccinar en Svizra, na po il patrun ni la patruna era betg sfurzar insatgi da vaccinar.

Il patrun po dentant pretender che la collavuratura u il collavuratur sto lavurar a chasa u midar partiziun.
Autur: Petra Camathias giurista
audio
Petra Camathias: Vaccinar Gea u Na – la vista giuridica
02:22 min, Actualitad dals 08.09.2021.
laschar ir. Durada: 02:22 minutas.

Certificat da Covid

Il Cussegl federal decida, sch'ins sto da nov era avair in certificat da Covid per ir en ustarias, centers da fitness u insumma ad occurrenzas che han lieu endadens. Il docent d'etica Christof Arn è da l’opiniun che quai saja acceptabel sch'ins vegnia uschia d'evitar in'occupaziun dals plazs sin la staziun intensiva. Il certificat duaja dentant esser sulettamain per in temp limità ed ils tests che persunas betg vaccinadas ston far, stoppian esser pajabels.

Ord vista giuridica possian ins senz'auter introducir in certificat da Covid-19, di Petra Camathias. Quel stoppia dentant esser giustifitgà. I dovria ina basa legala, in interess public ed ins stoppia resguardar ils dretgs da terzas persunas. In ulteriur criteri saja ch'il certificat stoppia esser en proporziun cun il privel.

RTR actualitad 07:00

Artitgels legids il pli savens

Scrollar a sanestra Scrollar a dretga