71% da las votantas e dals votants èn per in congedi da paternitad da duas emnas, 16% refusan in tal. Quai resulta d’ina retschertga fatga da l’Institut Link avant trais emnas.
Ils aderents dal congedi da paternitad da duas emnas numnan raschuns sco dapli sustegn per la mamma (39%) ed in rinforzament da l'egualitad (30%). Er in argument è ch’in congedi da paternitad saja impurtant per l’entira famiglia (26%). Igl è stà pussaivel da numnar plirs arguments.
Da vart dals adversaris tema in tschintgavel ils custs u refusan en general in congedi da paternitad (14%). Ed 11% din ch’il bab possia gea retrair vacanzas.
Per la retschertga fatga sin incumbensa comité da votaziun «Congedi da paternitad uss» – han ins dumandà dals 20 fin ils 26 da matg 1’034 persunas en la vegliadetgna tranter 18 e 79 onns.
