Siglir tar il cuntegn

Header

In bab cun in pitschen uffant en l'ospital.
Legenda: Bleras Svizras e Svizzers vulan dar a babs dapli temp per sa deditgar a lur uffants. Keystone
cuntegn

Vita da famiglia 71% èn per duas emnas congedi da paternitad

La fin da settember decida il suveran svizzer – d'introducir in congedi da paternitad da duas emnas u betg. Ils iniziants han laschà far ina retschertga.

71% da las votantas e dals votants èn per in congedi da paternitad da duas emnas, 16% refusan in tal. Quai resulta d’ina retschertga fatga da l’Institut Link avant trais emnas.

Ils aderents dal congedi da paternitad da duas emnas numnan raschuns sco dapli sustegn per la mamma (39%) ed in rinforzament da l'egualitad (30%). Er in argument è ch’in congedi da paternitad saja impurtant per l’entira famiglia (26%). Igl è stà pussaivel da numnar plirs arguments.

Da vart dals adversaris tema in tschintgavel ils custs u refusan en general in congedi da paternitad (14%). Ed 11% din ch’il bab possia gea retrair vacanzas.

Per la retschertga fatga sin incumbensa comité da votaziun «Congedi da paternitad uss» – han ins dumandà dals 20 fin ils 26 da matg 1’034 persunas en la vegliadetgna tranter 18 e 79 onns.

Ord l'archiv da SRF:

video
Interpresas introduceschan per gronda part congedi da paternitad
Or da Tagesschau dals 23.01.2020.
laschar ir

RTR novitads 08:00

Artitgels legids il pli savens

Ir a sanester Ir a dretg