Il ruaus, la natira e abitaziuns pli favuraivlas e tuttina pon ins avair tut quai ch’ins basegna da viver. Perquai inditgeschan 88% dals dumandads che vivan sin la champagna da vulair restar là, quai muss il studi da immosuisse.ch.
Tenor il studi da immosuisse.ch inditgeschan 88% dals dumandads ch’els apprezieschian il viver ordaifer ina citad.
En territoris urbans datti dapli purschidas
Tenor l’uffizi federal per statistica vivan bain 3 da 4 persunas en Svizra en territoris urbans. Uschia sa concentreschan las purschidas medicinalas e las stizuns sin ils territoris urbans. Perquai hai per exempel bler pli paucs medis, stizuns, scolas ed autras purschidas socialas e culturalas sin la champagna. Tuttina èn ils avdants da la champagna cuntents cun lur situaziun ed èn da l'avis ch'i na manchia nagut, quai mussa il studi da immowelt.
Per quest studi da immowelt.ch sur da l’urbanisaziun da la Svizra èn vegnids dumandads il zercladur 2015 en l’entira Svizra 541 persuna sur 18 onns. 185 da questas persunas han inditgà da viver sin la champagna.
RR novitads 12:00