Il cussegl d’administraziun da Charles Vögele cusseglia als acziunaris d’acceptar l’offerta taliana. Quai scriva la fatschenta en ina communicaziun. Charles Vögele duai vegnir vendì per radund 56 milliuns francs.
La Sempione Retail SA sa cumpona d’in concern da moda taliana e dus ulteriurs investiders. Charles Vögele è dapi onns en ina crisa.
L'offerta è probabel valaivla dals 26 d'october fin ils 23 da november 2016. Silsuenter duajan las aczias da Vögele vegnir dequotadas.
RR novitads 10:00