Siglir tar il cuntegn

Header

Navigaziun

cuntegn

Svizra Voluntaris han reparà 8'600 objects

En uschenumnads «Repair Cafés» pinan voluntaris rauba rutta, sco apparats electrics u er textilias. L'onn passà han voluntaris dà ad 8'600 objects ina nova vita. Quai mussa ina calculaziun da la Fundaziun per la protecziun da consuments.

Avant tschintg onns aveva la fundaziun lantschà il moviment da reparar. Il 2018 sajan tals stads activs en 115 cafés en Svizra e lavurà vid total 14'000 objects. Success hajan els gì tar 8'600.

Quant savens èsi gartegià da reparar?

Legenda:
Quota da success Tut en tut han voluntaris lavurà vid radund 14'000 objects. La reparatura n'ha però betg adina funcziunà. Grafica: RTR

54% dals objects sajan stads apparats electronics, 15% textilias ed 1% telefonins. Sch'ins haja gì success da reparar l'object dependia da la sort da l'object. Uschia hajan ins bunamain pudì reparar tuttas textilias. Da reparar ina maschina da café saja però be gartegià en pli pauc ch'in terz dals cas.

Tar ils objects reparads tutgan rauba electrica, textilias, maschinas da café ed auter.

aparat electronic avert. bler cabels e zangas.
Legenda: Impressiun ord in «Repair Café». Keystone

RR novitads 15:00