La banca privata Vontobel surpiglia la banca Finter. Uschia duaja la fatschenta cun clients privats or da l'Italia vegnir rinforzada, sco Vontobel communitgescha.
La banca Finter è cunzunt activa en il sectur da l’uschenumnà private banking ed administrescha ina facultad da radund 1,6 milliardas francs. Ella ha filialas a Turitg ed en il Tessin ed occupescha 65 emploiads.
Vontobel finanziescha questa cumpra dal tuttafatg cun meds agens. La banca privata administrescha ina facultad da 181 milliardas francs.
