Siglir tar il cuntegn
Inhalt

Svizra Votaziun da Moutier resta entant senza consequenzas penalas

La votaziun davart la midada da la citad bernaisa Moutier tar il chantun Giura n'ha per entant naginas consequenzas penalas. La procura publica da Berna n'ha chattà nagins indizis ch'ins haja cumprà cedels da votaziun.

Bandieras da Moutier.
Legenda: Otg ulteriurs plants davart la votaziun èn anc pendents. Keystone

La procura publica bernaisa ha smess l'examinaziun d'ina emprova d'influenzar il cumportament da votaziun. Las examinaziuns n'hajan betg pudì cumprovar ch'ins haja vendì cedels da votaziun. Per entant resta la votaziun damai senza consequenzas penalas.

Il zercladur 2017 avevan ils abitants da la citad bernaisa Moutier decidì cun ina pitschna maioritad da 137 vuschs da vulair midar tar il chantun Giura.

Otg ulteriurs plants

Otg ulteriurs plants davart la votaziun èn però anc pendents. I vegn tranter auter pretendì ch'ins n'haja betg communitgà ils arguments per e cunter la midada da Moutier tar il chantun Giura a moda neutrala.

RR novitads 11:00