16’341 persunas èn sa participadas a la retschertga da Tamedia e 20 Minutas davart las votaziuns dals 25 da settember. Ils resultats mussan cunzunt differenzas tranter umens e dunnas.
Refurma da l'AVS
Marcant è il foss tranter las schlattainas tar la Refurma per stabilisar l’AVS (AVS 21). Ils dus projects da votaziun entaifer la refurma cuntanschan omadus in Gea.
Tar la finanziaziun supplementara da l’AVS entras in’auzament da la taglia sin plivalur resulta in Gea cun 58% encunter 38% Na. Qua èn ils umens pli cler persuenter (65%) che las dunnas cun 50%.
Anc pli profund è il foss tar la midada da la lescha federala davart l’assicuranza per la vegliadetgna e da survivents. Il fitg cler Gea dals umens cun 71% vegn sminuì fermamain damai che sulettamain 36% da las dunnas din Gea. En summa dat quai 53% Gea e 44 % Na.
Sch'in dals projects vegn refusà, fa l’entira refurma naufragi.
Allevament intensiv e taglia anticipada
Tar l'iniziativa davart l'allevament intensiv en Svizra è l'opiniun da las dunnas fitg clera, 64% dad ellas din Gea. Tar ils umens vesa quai ora auter: mo 44% din Gea. Uschia resulta in Gea final da 55%, e 43% Na.
Il resultat da la midada da la lescha davart la taglia anticipada n’è betg uschè cler. 30% dals participants han ditg Gea e 51% Na. Pia ha prest in tschintgavel anc nagina opiniun. Era qua è la cumpart dal Gea tar ils umens pli grond che tar las dunnas.
Sa participar a la retschertga da SRG:
