Cun las radunanzas da delegadas e delegads da la Partida populara svizra e dals Verds han ussa decidì tut las partidas grondas lur parolas e recumondaziuns per las votaziuns dals 3 da mars.
Iniziativa per 13avla renta AVS
L'iniziativa per ina 13avla renta da l'AVS pretenda precis quai che stat en ses num: ina 13avla renta. Ils aderents argumenteschan cun dapli segirtad, ils adversaris cun custs auts. Votà vegn ils 3 da mars.
Iniziativa da rentas
L'iniziativa da rentas pretenda che la vegliadetgna da renta per umens e dunnas vegnia augmentada pass per pass sin 66 onns fin l'onn 2033. A partir da lura duai la vegliadetgna vegnir adattada tenor l’aspectativa da vita. Emprimas calculaziuns quintan cun ina vegliadetgna da renta da 67 onns fin l'onn 2043.
