Per la lescha da CO2 revedida na datti tenor la Confederaziun ed ils chantuns nagina alternativa. Sch'i na schabegia uss betg insatge en chaussa protecziun dal clima, vegnan las proximas generaziuns anc a patir pli fitg. Uschia ha la Cussegliera federala Simonetta Sommaruga argumentà oz avant las medias.
Ensemen cun il minister d'energia Grischun, Mario Cavigelli, han els lantschà il cumbat da votaziun. La lescha da CO2 saja vinavant ina cumbinaziun da promoziun d'economia e protecziun dal clima.
Il Cussegl federal ed il parlament hajan revedì la lescha per sbassar vinavant las emissiuns. La finamira è da sbassar las emissiuns da gas cun effect da serra per 50% en congual cun las valurs dal 1990. Cunter la lescha è vegnì fatg il referendum. Il pievel svizzer decida ils 13 zercladur davart la lescha da CO2.