Sut il tetg da la Federaziun svizra da turissem s'exprima ina vast'allianza d'uniuns per in Gea a la Lescha da Covid-19. Da refusar quella muntassi la fin per il certificat. Quest certificat impedeschia ch'ina situaziun da corona pli tendida manassi puspè a mesiras pli rigurusas – fin ad in ulteriur lockdown. In ulteriur lockdown fissi fatal per il turissem. Quai scriva il comité dal turissem en sia communicaziun. Al comité fan tranter auter part Hotelleriesuisse, las Pendicularas Svizra, e la Conferenza dals directurs da turissem regiunals.
En temp da pandemia saja il certificat da Covid la basa per il turissem sur cunfins. La libertad da viagiar saja la premissa per la plazza turistica Svizra. Quella stoppia vegnir mantegnida.
L’ultim pled en chapitel ha il suveran svizzer ils 28 da november a l’urna.
