Per las uniuns per l'ambient è la nova lescha d'energia planisada in element central per la protecziun dal clima. Ella creass las premissas per reducir las emissiuns da CO2 en Svizra, han communitgà 18 uniuns, tranter auter il WWF Svizra u Birdlife Svizra. La nova lescha d'energia saja ultra da quai cumpatibla cun la protecziun da la natira.
La nova lescha d'energia reglescha nua ch'implants d'energia regenerabla possian vegnir schlargiads e nua betg. Ed ella prevesa d'augmentar la producziun d'electricitad or da funtaunas regenerablas sin 37 uras terawatt enfin il 2050. Il suveran svizzer votescha ils 9 da zercladur davart la nova lescha d'energia.
Adversarias ed adversaris da la lescha èn encunter or da motivs da protecziun da l'ambient, u da la cuntrada, u er perquai che la lescha restrenschia l'autonomia da las vischnancas.
