Tar las premias da las cassas da malsauns dovri urgentamain schliaziuns. Da quest avis è il comité da l’iniziativa che vul distgargiar las premias. El ha mesemna preschentà sias propostas a Berna.
L'iniziativa pretenda che las premias na dastgian en l’avegnir betg importar dapli che 10% da las entradas. Las premias sajan ozendi passa duas giadas uschè autas sco anc avant 20 onns, fertant che las pajas e las rentas na sajan strusch s'augmentadas, argumenteschan ils iniziants.
Il Cussegl federal, il parlament ed ils chantuns refuseschan l'iniziativa. L’ultim pled en chaussa ha il suveran ils 9 da zercladur a l’urna.
