Konrad Graber (PCD/LU) dal comité cunter l’iniziativa che vuleva che la quota da l’aur vi da las activas da la Banca naziunala svizra (BNS) vegnia auzada sin almain 20% è levgià dal resultat: “Cunquai che l’iniziativa aveva l’entschatta anc ils megliers resultats che la cuntraposiziun, n’era quai betg uschè cler ch’i dettia uschè in cler na a l’iniziativa”, uschia Konrad Graber. I saja en mintga cas in resultat fitg bun per l’independenza da la BNS ed era per ils chantuns saja quai fitg impurtant.
cuntegn
Votaziuns Iniziativa «Salvai l'aur da la Svizra»
L'iniziativa da l'aur saja cunzunt ìda da la glatscha giu, pervia dal ferm engaschi da la Banca naziunala, ha ditg Luzi Stamm, in dals iniziants. La Banca naziunala svizra saja evidentamain fitg vardaivla.
Parter
RTR