-
Bild 1 von 12. A las 10.00 ha la manifestaziun entschavì cun in public survesaivel. Bildquelle: RTR/ Angela Hendry.
-
Bild 2 von 12. Il public vegn beneventà en trais linguatgs. Tudestg, rumantsch e talian, qua discurra la presidenta dals cineasts rumantschs ed inizianta da la manifestaziun Susanna Fanzun. Bildquelle: RTR/ Angela Hendry.
-
Bild 3 von 12. Andy Kollegger, president da l'uniun chantunala da musica dal Grischun ed in dals organisaturs da la manifestaziun. Bildquelle: RTR/ Angela Hendry.
-
Bild 4 von 12. In chantun per la glieud che less laschar ora il frust ch'els han cun il radio e la televisiun. Tenor il motto laschar ora il frust qua, e betg tar la votaziun. Bildquelle: RTR/ Angela Hendry.
-
Bild 5 von 12. In dals punct culminants è stà il pled da la cussegliera federala Simonetta Sommaruga. Bildquelle: RTR/ Angela Hendry.
-
Bild 6 von 12. La cussegliera federala Simonetta Sommaruga è anc stada a disposiziun per far selfies cun il public. Bildquelle: RTR/ Angela Hendry.
-
Bild 7 von 12. In vast public ha gì interess vi da la manifestaziun, giuven e vegl, rumantschs, tudestgs, talians, persunas da la politica, da la cultura ed interessai. Bildquelle: RTR/ Angela Hendry.
-
Bild 8 von 12. Mario Pacchioli è era stà da la partida. Bildquelle: RTR/ Angela Hendry.
-
Bild 9 von 12. Era giasts d'ordaifer il chantun èn stads da la partida, sco per exempel il columnist e cabarettist bernais Bänz Friedli. Bildquelle: RTR/ Angela Hendry.
-
Bild 10 von 12. Franco Milani, president da la Pro Grigioni Italiano. Bildquelle: RTR/ Angela Hendry.
-
Bild 11 von 12. Luca Maurizio ha implorà il public cun chanzuns satiricas da vuschar NA ils 4 da mars. Bildquelle: RTR/ Angela Hendry.
-
Bild 12 von 12. Anc suenter 7 uras cultura, suenter 21 acts e 21 pleds tegn il public la dira, malgrà tutta fradaglia. Bildquelle: RTR/ Angela Hendry.
21 preschentaziuns da musica, da saut e da chant, 21 pledaders encunter l'iniziativa «No Billag». Set uras cultura encunter la fin da las emissiuns. Il public è stà grond, unfis da discutar da l'iniziativa n'è el betg. Il tema saja uschè impurtant e cun grondas consequenzas ch'i saja bun ch'i vegnia discutà savens da l'iniziativa.
Simonetta Sommaruga ha fatg attent la sonda suentermezdi a Cuira sin las consequenzas da l'iniziativa No Billag. Quella saja in privel per la democrazia, ha ditg la ministra da giustia sin l'Alexanderplatz a la manifestaziun publica cunter l'iniziativa. Ella è stada l'oratura principala da la manifestaziun organisada da represchentants da la cultura grischuna.
No Billag na munta perquai betg mo No SRG. L’iniziativa è era in privel per nossa democrazia. No Billag munta dentant era No solidaritad. Solidaritad munta tar nus en Svizra, che nus essan qua per tut las regiuns e tut las gruppas linguisticas.
Tranter las numerusas producziuns culturalas han differents pledaders da la cultura, dal turissem e da la politica argumentà cunter l’iniziativa ed exprimì che quella saja ina attatga sin il servetsch public e cun quai er cunter la lavur culturala en Svizra.
Dovr jau betg, paj jau betg! Ok! Dentant pensai era vi da voss geniturs, vi da voss tat e vossa tatta!
RR novitads 17:00