A Berna han ils iniziants preschentà lur arguments en favur da l’iniziativa «Per la dignitad dals animals da niz agriculs» davart la quala il pievel decida ils 25 da november.
En Svizra han oz circa trais quarts da las vatgas ed in terz da las chauras nagina corna. La raschun principala è ch'adina dapli animals vegnan tegnids en stallas libras. Ed en talas èsi pli sempel da tegnair animals senza corna. Quei vulan ils iniziants enturn il pur Armin Capaul midar. Els vulan impedir ch'adina dapli puras e purs sa decidan sulettamain per motivs economics per animals senza corna.
Contribuziuns finanzialas
Perquai duai la Confederaziun sustegnair a moda finanziala las possessuras ed ils possessurs da vatgas e chauras cun corna. Ils iniziants quintan cun 190 francs per vatga e per onn. In scumond da scornar animals giuvens na pretenda l’iniziativa betg. Quei duai enavant esser pussaivel, dentant mo cun in’anestesia locala.
RR novitads 12:00