Aua da baiver netta - Nagina schanza per l'iniziativa

Ussa èsi cler: l'iniziativa per aua da baiver netta ha fatg naufragi. 60.7% han ditg Na a l'iniziativa.

Resultat cler era en il Grischun

Grischuns e Grischunas han refusà las novas cundiziuns per che manaschis purils survegnan indemnisaziuns. 62,17% dal chantun Grischun han ditg Na a l'iniziativa d'aua da baiver netta.

Resultats da las vischnancas grischunas

Be la vischnanca da Trin ha ditg Gea a l'iniziativa. Quai cun in resultat stretg da 50.60% da las vuschs.

Tge munta la decisiun?

L'iniziativa per aua da baiver netta vuleva midar la structura da las subvenziuns. Pajaments directs avessan tar in Gea be pli quels manaschis purils survegnì che avessan resguardà novas cundiziuns. Vul dir: Quels che produceschan senza pesticids, che drovan be antibiotica sch'ils animals èn malsauns e che produceschan lur agen pavel senza cumprar vitiers insatge. Cun il Na a l'iniziativa restan las structuras da subvenziuns sco enfin qua.