Tar pèrs che na survegnan betg uffants sin la via natirala u che han ina malsogna genetica dastgan ils medis ozendi fructifitgar artifizialmain las cellas d’ov d’ina dunna. La lescha per la medischina da reproducziun vertenta scumonda dentant in’examinaziun genetica dals embrios avant che quels vegnan implantads en la madra. Da nov duai dentant questa diagnostica da preimplantaziun vegnir lubida.
Pia duain ils geniturs, che na pon betg survegnir uffants a moda natirala, avair la schanza da tuttina survegnir uffants. U pèrs che portan ina malsogna genetica duain dastgar survegnir uffants n’èn betg pertutgads da questa malsogna.
Plinavant duai il dumber dals embrios che dastgan vegnir duvrads per la fructificaziun artifiziala vegnir augmentada da 3 sin 12 embrios. Ultra da quai duain ils embrios dastgar vegnir conservads per duvrar els pli tard.
Per che la diagnostica da preimplantaziun possia empermetter in tschert success, sto l’artitgel constituziunal concernent la medischina da reproducziun vegnir adattà.
Las midadas curt e bain
- Examinaziun genetica dals embrios avant ch'implantar quels
- 12 enstagl da 3 embrios duain vegnir dastgar duvrads
- Embrios dastgan vegnir conservads e duvrads pli tard
Arguments persuenter
- Entras la diagnostica da preimplantaziun duain vegnir prendì davent il squitsch a pèrs che na survegnan betg uffants sin la moda natirala
- La diagnostica da preimplantaziun pussibiliescha a pèrs cun malsognas geneticas da survegnir uffants sauns
- Cun dastgar eleger in embrio per la fructificaziun artifiziala pon vegnir evitadas naschientschas da plurellins
Arguments encunter
- La vita umana cumenza gia cun la fructificaziun da la cella d'ov. Cun quai dispona in embrio da dignitad ed ha il dretg da viver
- Il castgaun na duai betg intervegnir en la natira e na duai betg dastgar decider davart la vita u la mort d'in embrio
- La diagnostica da preimplantaziun na garantescha betg che tut las malsognas geneticas pon vegnir registradas e ch'in uffant saun nascha.
Recumandaziun dal parlament e dal Cussegl federal
Il Cussegl federal ed il parlament recumondan d'approvar il project da votaziun. En Svizra duain pèrs che han ina greva malsogna genetica dastgar survegnir uffants che n'èn betg pertutgads da la malsogna. Ultra da quai duain pèrs che na survegnan betg uffants sin la via natirala avair ina pli gronda schanza da survegnir in agen uffant.
