Siglir tar il cuntegn

Header

cuntegn

Votaziuns Dapli daners per la via – main per la viafier

Ina finanziaziun gista dal traffic. Quai pretenda l’iniziativa da la vatga da latg. Mo co vesi ora en il Grischun? Tgi profitescha e tgi betg da questa iniziativa.

L'iniziativa per ina finanziaziun gista dal traffic u era l'iniziativa da la vatga da latg pretenda che tut las contribuziuns da la taglia sin petroli vegnan duvradas per lavurs u sanaziuns da las vias Svizras.

audio
Bunura: Finanziaziun gista dal traffic - Co profitass il Grischun?
ord Actualitad dals 20.05.2016.
laschar ir. Durada: 2 minutas 30 Secundas.

1.5 milliardas francs dapli per las vias svizras

Clar – er il Grischun avess dabun x milliuns. Tenor, Andri Zisler, president da la secziun grischuna dal’uniun professiunala da l’automobil èn quai daners ch’il chantun dovra. «En il Grischun dettia bleras vals lateralas. Uschia circulescha ina gronda part dal traffic public sur las vias e betg sur la viafier.»

Tenor Yvonne Dünser, pledadra da medias da la Viafier retica, avess in gea a questa iniziativa nauschas consequenzas per la retica. Tenor calculaziuns mancassan uschia a la Viafier retica mintg’onn var 10 milliuns francs. Quai muntassi restricziuns. I stuessi fitg probabel vegnir stritgà viadis da trens.

Artitgels legids il pli savens